ଲଲାଟେନ୍ଦୁ କଵି
(ଦେହ ଆତ୍ମା ଓ ପରମାତ୍ମା)
କଣା ବାଲଟିରୁ ଯଥା ଜଳ ଯାଏ ଝରି ।
ତଥା ଆତ୍ମା ଯାଏ ଜୀର୍ଣ୍ଣ ଶରୀରୁ ନିଃସରି ॥ ୧
ଚକ୍ରଵାତେ ଶୁଷ୍କ ପତ୍ର ଉଡିଲା ପରାଏ
ଭାରଶୂନ୍ୟ ଅଜ୍ଞାନାତ୍ମା ଘୂରି ବୁଲୁ ଥାଏ ॥ ୨
ପାରାଵାର ଜଳେ ଯଥା ଅଦୃଶ୍ୟ ଲଵଣ ।
ତଥା ପରମାତ୍ମା ମଧ୍ୟେ ଆତ୍ମାର ମଜ୍ଜନ ॥ ୩
ଅଥଵା ଚାହାର ଗର୍ଭେ ଚାମୁଚେ ଶର୍କରା
ପ୍ରାୟେ ପରମାତ୍ମା ମଧ୍ୟେ ଆତ୍ମା ହୁଏ ଧରା ॥ ୪
ଜଳରେ ମିଶି ବି ଲୁଣ ନ ହୁଏ ନିଶ୍ଚିହ୍ନ
ନିଜ ସ୍ଥିତି ଥାଇ ଆତ୍ମା ତଥା ବ୍ରହ୍ମଲୀନ । ୫
ଜାଣିବାକୁ ଆତ୍ମା ପରେ ସର୍ଵ ସଦ୍ଦର୍ଶନ ।
କର ଶୀଘ୍ର “ସ୍ମାର୍ଟ୍ ଆତ୍ମା” ସଦ୍ଗ୍ରନ୍ଥ ପଠନ ॥ ୬
ସତ୍+ ଦର୍ଶନ= ଯାହାଵାସ୍ତଵସେହିଜ୍ଞାନ
ଲାଲଟେନ୍ଦୁ କବି, ରାୟରଙ୍ଗପୁର, ମୟୂରଭଞ୍ଜ, ମୋ : ୭୯୭୮୬୮୦୭୧୨
ଲେଖକ ପରିଚୟ
ପ୍ରାୟ ୩୮ ବର୍ଷ ପରେ ୨୦୧୪ରୁ ପୁଣିଥରେ ଆରମ୍ଭ କଲି ଲେଖାଲେଖି ଯଦିଓ ଛାତ୍ର ଜୀବନରେ ଅଳ୍ପ କିଛି କବିତା ଓ ଗପ ଲେଖିଥିଲି । ମୁଁ ସବୁବେଳେ ଓଡ଼ିଆ ଭାଷା ଓ ବ୍ୟାକରଣ ଉପରେ ଗୁରୁତ୍ଵ ଦିଏ । ସବୁବେଳେ ଛନ୍ଦ କବିତା ଲେଖିବାକୁ ଭଲପାଏ । ସାଧାରଣତଃ ସୋସିଆଲ ମିଡ଼ିଆ ଫେସବୁକକୁ ମୁଁ ମୋ ସାହିତ୍ୟ ସାଧନାର ମାଧ୍ୟମ କରେ ।
