ଭୁବନେଶ୍ଵର : ଆଜି ସ୍ଥାନୀୟ ମହିଳା ମହାବିଦ୍ୟାଳୟର ସଭାକକ୍ଷରେ ସେବା ନିବୃତ୍ତା ଇଂରାଜୀ ଭାଷା ସାହିତ୍ୟର ପ୍ରାଧ୍ୟାପିକା କୃଷ୍ଣପ୍ରିୟା ସାହାଣୀଙ୍କ ଦ୍ୱିତୀୟ କବିତା ପୁସ୍ତକ “ଅବ୍ୟକ୍ତ ଈଶ୍ୱର” ଓ ପ୍ରଥମ ଇଂରାଜୀ କବିତା ସଂକଳନ “THE WINGED CHARIOT” ପାଠକାର୍ପିତ ହୋଇଯାଇଛି । ମହିଳା ମହାବିଦ୍ୟାଳୟର ଅଧ୍ୟକ୍ଷା ଡକ୍ଟର ଅର୍ଚ୍ଚନା ପଟ୍ଟନାୟକଙ୍କ ସଭାପତିତ୍ୱରେ ଆୟୋଜିତ ଏହି ସମାରୋହରେ ସୁଲେଖକ ଓ ଶିକ୍ଷାବିତ ଡକ୍ଟର ଦୁଷ୍ମନ୍ତ କୁମାର ମହାନ୍ତି ସ୍ୱାଗତ ଭାଷଣ ପ୍ରଦାନ କ୍ରମରେ କବୟିତ୍ରୀଙ୍କ ସାମାଜିକ ପ୍ରତିବଦ୍ଧତା ସମ୍ବନ୍ଧରେ ସୂଚନା ପୂର୍ବକ ରାୟଗଡ଼ାର ସମୃଦ୍ଧ ସାହିତ୍ୟିକ ଐତିହ୍ୟ ସମ୍ପର୍କରେ ସବିଶେଷ ଉଲ୍ଲେଖ କରି ବହୁ ଦିବଙ୍ଗତ ସାଧକଙ୍କ ଅବଦାନକୁ ସଶ୍ରଦ୍ଧ ସ୍ମରଣ କରିଥିଲେ । ରାୟଗଡ଼ା ଉପ-ଜିଲ୍ଲାପାଳ ରମେଶ କୁମାର ଜେନା ମୁଖ୍ୟ ଅତିଥି ଭାବେ ଯୋଗ ଦେଇ ସମାଜରେ ଶାନ୍ତି ମୈତ୍ରୀ ଓ ଭ୍ରାତୃଭାବର ପୁନଃ ପ୍ରତିଷ୍ଠା ଦିଗରେ ବଳିଷ୍ଠ ମାଧ୍ୟମ ହେଉଛି ସାହିତ୍ୟ ଏବଂ ସାହିତ୍ୟ ମାଧ୍ୟମରେ ହିଁ ମାନବଜାତିର ଉତ୍ତରଣ ସମ୍ଭବ ବୋଲି ମତବ୍ୟକ୍ତ କରିଥିଲେ ।
ଏହାସହିତ ସୁଖ୍ୟାତ ସାହିତ୍ୟ ପତ୍ରିକା “ଆମ ପଞ୍ଚବଟୀ”ର ସମ୍ପାଦକ ତଥା ସୁସାହିତ୍ୟିକ ସୁଶାନ୍ତ କୁମାର ନାୟକ କବିତା ପୁସ୍ତକ “ଅବ୍ୟକ୍ତ ଈଶ୍ୱର’ର ସମୀକ୍ଷା କରିଥିବାବେଳେ ଇଂରାଜୀ କବିତା ପୁସ୍ତକ “THE WINGED CHARIOT” ର ସମୀକ୍ଷା କରିଥିଲେ ରାୟଗଡ଼ ସ୍ଵୟଂଶାସିତ ମହାବିଦ୍ୟାଳୟର ଇଂରାଜୀ ଭାଷା ଓ ସାହିତ୍ୟ ବିଭାଗର ସହକାରୀ ଅଧ୍ୟାପକ ଶ୍ରୀନିବାସ ଆଚାରୀ । କବୟିତ୍ରୀ କୃଷ୍ଣପ୍ରିୟା ସାହାଣୀ ତାଙ୍କ ବକ୍ତବ୍ୟରେ ପୁସ୍ତକର ସଂକ୍ଷିପ୍ତ ପରିଚୟ ପ୍ରଦାନ ସହ ଏହାର ପୃଷ୍ଠଭୂମି ସମ୍ବନ୍ଧୀୟ ସୂଚନା ପ୍ରଦାନ କରିଥଲେ । ସମାରୋହ ଆରମ୍ଭରେ ରାଜ୍ୟ ପୁରସ୍କାର ପ୍ରାପ୍ତ ସେବା ନିବୃତ୍ତା ଶିକ୍ଷକ ଜଗଦୀଶ ଚନ୍ଦ୍ର ଦୋରା ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିଥିବା ବେଳେ କାର୍ଯ୍ୟକ୍ରମ ଶେଷରେ କବି ଓ କଥାକାର ଶ୍ରୀଧର ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ବରିଷ୍ଠ ଆଇନଜୀବୀ ବ୍ରଜସୁନ୍ଦର ନାୟକ, ଜଗଦୀଶ ଚନ୍ଦ୍ର ଦୋରା,ସତ୍ୟବାଦୀ ପତି, ଡଃ କୃପାସିନ୍ଧୁ ପାଣିଗ୍ରାହୀ, ଶୁଭ୍ରା ପଣ୍ଡା, ସୁସ୍ମିତା ଦାଶ,କିଶୋର ପଣ୍ଡା, ବାବୁଲାଲ ଗନ୍ତାୟତ, ସୁଦର୍ଶନ ପାଢୀ, ଡଃ ବିପିନ୍ ବିହାରୀ ବିଶ୍ବାଳ,ଡଃ ସରସ୍ଵତୀ ରାୟ, ଡଃ ବେବିଲତା ସରାଫ, ଡଃ ଅଶୋକ କୁମାର ମିଶ୍ର, ରାଜଲକ୍ଷ୍ମୀ ଦେବୀ, ଲାଲବିହାରୀ ଲେଙ୍କା, ଶିବପ୍ରସାଦ ମିଶ୍ର, ଡଃ ପ୍ରସନ୍ନ କୁମାର ଗନ୍ତାୟତ, ଡଃ ଶଶୀଭୂଷଣ ପଟ୍ଟନାୟକ, ଡଃ ବିନୋଦ ପାତ୍ର, ବିମଳ ଚାନ୍ଦ ପଟ୍ଟନାୟକ, ଆଶୁତୋଷ ପାତ୍ର, ଦେବେନ୍ଦ୍ର ବାଉରୀ, ଲୋକନାଥ ପଣ୍ଡା, ଅରୁଣ କୁମାର ଲେଙ୍କା, ଅରୁଣ କୁମାର ପାଣିଗ୍ରାହୀ, ରବି ଶତପଥି, ଲାବଣ୍ୟ ମୋହନ ପଟ୍ଟନାୟକ, ପ୍ରଶାନ୍ତ ପଟ୍ଟନାୟକ, ଡାକ୍ତର ମାୟାଧର ସାହୁ, ରମେଶ ଟାକିରି, ଜୟଦେବ ସିଠ, ବିନାୟକ କର, ନୀଳମଣି ପାଟ୍ଟଯୋଶୀ, ସୁବାସ ବେହେରା, କଲ୍ୟାଣୀ ସାସମଲ, ପ୍ରଶାନ୍ତି ସାହୁ, ତ୍ରିବେଣୀ ମିଶ୍ର, ମହାଶ୍ୱେତା ପାଣିଗ୍ରାହୀଙ୍କ ସମେତ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଓ ଛାତ୍ରୀମାନେ କାର୍ଯ୍ୟକ୍ରମରେ ଉପସ୍ଥିତ ଥିଲେ ।
