ସ୍ଵର୍ଗତ ଗନ୍ତାୟତ ଶିବପ୍ରସାଦ
ବୋଉ ଯେତେବେଳେ ଘରକୁ ନୂଆବୋହୂ ହୋଇ ଆସିଥିଲା, ପ୍ରତିଦିନ ରାତିରେ ଘରର ଅନ୍ୟମାନେ ଶୋଇଯିବା ପରେ ସବୁକାମ ସାରି ସବା ଶେଷରେ ଶୋଇବାକୁ ଯାଉଥିଲା ।
ସେତେବେଳକୁ ଢେର୍ ରାତି ହୋଇ ଯାଉଥିବାରୁ ବାପା କୁଆଡ଼େ ବୋଉ ଉପରେ ବିରକ୍ତ ହେଉଥିଲେ । ତଥାପି ବୋଉ ଜେଜେମାଙ୍କ ଗୋଡ଼ ନମୋଡ଼ି କେବେ ଶୋଉନଥିଲା ।
ଏବେ ବୋଉର ବୋହୂମାନେ ଆସିଗଲେଣି । ସେ ବୁଢ଼ୀ ହୋଇଗଲାଣି ।
ତଥାପି ଏବେବି ବୋଉ ହିଁ ଆମ ଘରେ ସବା ଶେଷରେ ଶୋଇବାକୁ ଯାଏ । ତା ବୋହୂମାନେ ଖାଇସାରି ଶୋଇବାକୁ ଯିବାବେଳକୁ ରାତି ଅନେକ ହୋଇଯାଇଥାଏ ।
ବୋଉ ଏବେବି ଶୋଇବା ପୂର୍ବରୁ ବାପାଙ୍କ ଗୋଡ଼ ମୋଡ଼ି ଦିଏ ।
ଅଥଚ ଆଣ୍ଠୁଗଣ୍ଠି ବାତ ଭୋଗୁଥିବା ବୋଉର ଗୋଡ଼ ମୋଡ଼ିଦେବା ପାଇଁ ଘରେ କେହି ବି ସେତେବେଳକୁ ଚେଇଁ ରହି ନଥାନ୍ତି ।
ଲେଖକ ପରିଚୟ
ସଦାୟୁଷ୍ମାନ ସାରସ୍ୱତ ସାଧକ ଗନ୍ତାୟତ ଶିବପ୍ରସାଦଙ୍କ ଆଜି ୫୪ତମ ଜନ୍ମଦିବସାବସରରେ ତାଙ୍କ ରଚିତ ଏକ କ୍ଷୁଦ୍ର ଗଳ୍ପ ।
