ଭୁବନେଶ୍ଵର : ବାଗ୍ମୀ, ବହୁ ପରିଚିତ ସ୍ତମ୍ଭକାର, ପ୍ରାବନ୍ଧିକ ତଥା ଦର୍ଶନ ଶାସ୍ତ୍ର ବିଭାଗର ଅବସରପ୍ରାପ୍ତ ପ୍ରାଧ୍ୟାପକ ନିରଞ୍ଜନ ପାଢୀ ଚଳିତ ବର୍ଷର ଅଧ୍ୟାପକ ଡ. ପୀତାମ୍ବର ସ୍ଵାଇଁ ରାଜ୍ୟସ୍ତରୀୟ ବାଗ୍ମିତା ସମ୍ମାନ ପାଇବାକୁ ଯୋଗ୍ୟ ବିବେଚିତ ହୋଇଥିଲେ ବୋଲି ସ୍ମୃତି ସଂସଦର ସମ୍ପାଦକ ପ୍ରଫେସର ଡ. ଶଶଧର ଦାସ ଏକ ପ୍ରେସ ବିବୃତ୍ତିରେ ଜଣାଇଥିଲେ । ଡ. ସ୍ଵାଇଁଙ୍କ ମୃତ୍ୟୁ ପରେ ସ୍ମୃତି ସଂସଦ ଆନୁକୂଲ୍ୟରେ ବିଗତ ୨୪ ବର୍ଷ ଧରି ରାଜ୍ୟସ୍ତରୀୟ ବାଗ୍ମିତା ସମ୍ମାନରେ ରାଜ୍ୟର ବହୁ ଜ୍ଞାନୀ, ଗୁଣୀ ଓ ବିଶିଷ୍ଟ ବାଗ୍ମୀଙ୍କୁ ସମ୍ମାନିତ କରାଯାଇ ଆସୁଅଛି ।
ଗତ ନଭେମ୍ବର ୧୭ ତାରିଖ ଦିନ ଭଦ୍ରକ ସଂସ୍କୃତି ଭବନଠାରେ ଅନୁଷ୍ଠିତ ହେବାକୁ ଥିବା ୯୩ ତମ ଜୟନ୍ତୀ ଉତ୍ସବରେ ଶ୍ରୀ ପାଢୀଙ୍କୁ ସମ୍ବର୍ଦ୍ଧିତ କରାଯିବ ବୋଲି ଡ. ଦାସ ସୂଚନା ଦେଇଥିଲେ ।
